آجی بیر خاطیره ( زلزله )

باشین ساغ اولسون آذربایجان

ناز قیزیم ،چوخ باغیشلا باشیم آنا یوردوم ورزقانین زلزله سینه قاتیشدی آپدیت اولا بیلمدیم ... گچن هفته شنبه گونی مرداد آیی نین ایرمی بیری آخشام چاغی آذزبایجان یوردونا بیر زلزله گلدی او زلزله نین مرکزی اهر، ورزقان و هریسیدی ... زلزله گلن زامان من گتمیشدیم گوز ماینا سینا و سن خالانان قالمیشدین... آزالمیشدیم اوه یتیشم بیردن گوردوم یر تیتردی و هامی اولردن چخدیلار اشیه ... من قاشیدم تز اوزیمی یتیردیم حیاطا گوردوم سن خالانین قوجاغیندا سان سنی باغریما باسیب آغلادیم آللهیما شکر الدیم کی سنه بیر زاد اولمویوب ... بابانلان نگران اولدوم کی گتمیشیدی ایش اوستئنه و هر نقدر تلفون وردوم توتا بیلمدیم ... اوز بابام گیله کی ورزقاندا یاشایرلا تلفون وردوم توتا بیلمدیم چوخ نگران اولدوم ... خلاصه بیر ساعات گچنلن سورا اولارینان دانیشنیم دئدیلر اومیز خراب اولوب آما هئچ کسه بیر زاد اولمویوب ... گنه ده بویوک آللها شکرلر اولسون ...

زامان گچیردی آما بابانلان بیر خبریم یوخیدی کی تلفونوم زنگ وردی بابانیدی منیم سسیمی ائشیتدی تز سنی سوروشدی زلزله دن خبر آلدی دئدیم نگران اولما بوردا هئچ بیر زاد یوخدی سن نجورسن آما او دانیشا بیلمدی و آغلادی و تلفونون باغلادی...و نچه ساعاتدان سورا گلدی بیزی باغرینا آلیب گنه ده آغلادی و آراملاشدی ...

ناز قیزیم سنلن بیر لیکده گتدوخ عمه گیله کی بیز دن بیر محله آشاغی دا اولورلا ... اوردا رادیودان ائشیتدیم زلزله اهر ، ورزقان ،هریس شهرستانلاریندا چوخ یئرلری ویران الیب ...چوخ آداملار اولدوروب ...چوخ آنالاری بالاسیز قویوب... چوخ آتالاری آغلار قویوب ... چوخ ناز بالالاری یتیم قویوب... چوخ چوخ اولری یخیب چوخ دودمانلار داغیدیب ... اورگیم یاندی کول اولدی ... آذربایجان یوردونون نیسگیلی اولدوردی منی... بویوک آلله سن مصلحت صاحبی سن ... زلزله ده اولنلره رحمت ائله و اولارین قالانلارینا صبر ور...