آیسل قیزیم دونیایه گلدی

قیش کؤچوب یوخدو سازاقدان اثر ، اولموش یئنه یاز یئنه گؤللرده دی قاز سوسما ای نازلی آتا هر نه گؤرورسن یئنه یاز اولموشام طبعووه باز *** نازنین بسدی دا ناز ائیله مه ، نازه نه نیاز؟ گل ؛ ائله نازووی آز آغی یاز ؛ قاره نی یاز ؛ گؤرویون هر بیر نه نی یاز قیل «مخالف»! «شه ِ ناز». *** چوخ جسارت دی دانیشماق ، منی عفو ائیله آتا طبعووی قویما یاتا حق سؤزون یاز! اوخویان یا توتا ؛ یا اینکی آتا ایگید انصافی ساتا؟ *** داریخیرسان سا « سه تار »ی اله آل ؛ بیر چال ـ اوخی یادا سال آجی ـ توخی اوره گیم ائیله هدف ، کیپریگین ایله چال اوخی محو ائله واری ـ یوخی *** چونکی بیر دردده ییک اوستاد! سؤزومو تئز قانیسان سن ده من تک یانیسان سن هنر عالمینین هم جانی سان ، هم قانی سان شعرا سلطانیسان *** دیغلارام بئیله کی هجران اودو باغریم یارالیر روزگاریم قارالیر دشمنیم یوخ ، بو نه حکمت دی کی جانیم یار آلیر نئجه رنگیم سارالیر *** ناکسین طعنه سی درددن داها چوخ یاندیریری سینه مه اوخ ویریری محتاج اولدوق دا تانیشلار هامیسی یان دوروری خلقی شیطان قوروری *** غملی سؤز ، قانلی گؤزوم یاشی ، آنام ، بیرده تاریم یالنیز اولموشلا یاریم دشته دوشموش نئجه گؤر سیزلیزی پودایله تاریم گئدیب الدن قراریم *** نئچه یول ایسته میشم بو یاشاییشدان ال اوزوم دینله نیسگسل لی سؤزوم قیزاریب سیللی لر آلتیندا منیم بو ایت اوزوم نئجه هر درده دؤزوم؟ *** وئرمیشم درد و غمیلن بوتون عمروم بادا من یانمیشام هر اودا من نه اولار جام وصالیندان ایچم بیر بادا من؟ دوستاغام دونیادا من *** ادبیات قوروماقدا بیر آلینماز قالاسان نئی ده کی بیر نالاسان یئنه آرزیم بودو ایللر بویو سن ساغ قالاسان صاباحا یول سالاسان *** کئچه جک لردن اورک لر ده فقط ایزدی قالیر اونلاری یاده سالیر یالقیز « افشار » نئچه ایلدیر غمی غم اوسته قالیر وئریر عمرون ،غم آلیر.

ایسل جان به جمع نی نی های 91 ای خوش اومدی عزیزم. مامان ایسل جان وبلاگ نی نی های 91 ای را لینک کن و هر از گاهی از دوستای جدید ایسل جان مطلع شو. ادرس وبلاگ نی نی های 91ای = http://ninihay90-91ha.niniweblog.com/